"Әке - асқар тау" сайысы

«Әке – асқар тау» сайысы
Балабақшамызда ерекше, әсерге толы «Әке – асқар тау» атты сайыс өтті! Бұл шараның басты мақсаты – әке мен баланың арасындағы қарым-қатынасты нығайту, әкелердің отбасындағы маңыздылығын көрсету және балаларға үлгі болу.
Сайыс барысында әкелер мен балалар түрлі қызықты кезеңдерден өтіп, өздерінің ептіліктерін, шапшаңдықтарын, тапқырлықтарын көрсетті. Олар бірге ойын ойнап, түрлі сынақтардан сүрінбей өтті. Әсіресе, «Күшті әке», «Серпінді отбасы» және «Әкем менің – мақтанышым» атты бөлімдер сайысқа ерекше көрік берді.
Шараға қатысқан әрбір әке – өз баласының нағыз қорғаушысы, сүйеніші екенін тағы бір мәрте дәлелдеді. Балалардың жүздеріндегі қуаныш пен мақтаныш сезімі бұл кештің ең басты жетістігі болды.
Барлық қатысушыларды құттықтаймыз! Әрбір әке – нағыз асқар тау! ??‍?‍??