"Педагогикалық ұжыммен әдістемелік жұмысты ұйымдастыру формалары" қалалық семинар

Балабақша әдіскері Сатпаева Динара Кайратовна «Мектепке дейінгі ұйымда педагогикалық кеңесті ұйымдастыру» тақырыбында презентация көрсетті. Педагогикалық кеңестің мақсаты мен міндеті, негізгі қызметі,құқықтары, басқаруды ұйымдастыру және жауапкершілігі туралы  тоқталып өтті. Қазіргі таңда жаңа форматтағы, педаггогтерге мотивация беретін педагогикалық кеңестер өткізу туралы ұсынымдар берді. 

       Озық іс-тәжірибе тарату мақсатында балабақша әдіскері Сатпаева Динара Кайратова «Балабақшада ұлттық қолөнерді дәріптеу жолдары» тақырыбында шебер сынып өткізді. Балабақша басшысының жобасы «Жіпсіз, инесіз құрақ құрау техникасымен» таныстырды. 2021 жылы «Жіпсіз,инесіз құрақ құрау техникасы» атты  әдіскер мен басшының әдістемелік құралы жарық көрді. Жіпсіз, инесіз құрақ құрау әдісі балабақшаның ортаңғы тобынан бастап қолданыста.

Қорытынды сөз    «Өрлеу» БАҰО» АҚФ  Алматы қаласы КДИ кафедра оқытушысы, педагогика  ғылымдарының  кандидаты Маханбетова Ағима Абиловнаға берілді. Семинар өте жоғары деңгейде өткенін айтып, балабақша ұжымына алғыс білдірді.